منتديات اسيرة الاحلام
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


آهـلآ وسـهلآ بكم فـي منتديات أإسـيرة أإلأحــ ــلآم
 
الرئيسيةأحدث الصورالتسجيلدخول

 

 خلطة حناء شعر

اذهب الى الأسفل 
3 مشترك
كاتب الموضوعرسالة
Admin
Admin
Admin


عدد المساهمات : 85
نقاط : 2032
تاريخ التسجيل : 01/03/2014
العمر : 29
الموقع : المملكه العربيه السعوديه

خلطة حناء شعر Empty
مُساهمةموضوع: خلطة حناء شعر   خلطة حناء شعر Emptyالخميس مارس 06, 2014 3:12 am

خلطة حنا للشعر

والله الذي لا اله الا هو انها احسن خلطه للشعر بلا منافس وياكثر اللي دعوا لي

السلام عليكم ورحمة الله وبركاته
امسيكم بالخير يااحلى خوات في الدنيا..انا اول مره اكتب موضوع في قسم الشعر مع اني خبره في شغلات البشره والشعر تدرون ليه؟؟ لاني ما احب احد يستخدم شي ولايناسبه ويقعد يدعي علي لكن هالخلطه غير وبشهادة الكل وانا مالي اي مصلحه من ذكرها سوى اني احبكم في الله واتمنى لكم الخير وانكم تدعون لي بالهدايه والصلاح وحسن الخاتمه والتوفيق لخير الدنيا والاخره

اولا..خواتي الثلاث ومرة اخوي وخوات زوجي كلهم تركوا الصبغات بعد ان دمرت شعورهم واحرقتها وخلتها حبتين لون حلو صح لكن وش فايدة اللون الحلو والشعر حبتين مافيه لمعه ولاحيويه ولاكثافه..تركوا الصبغات وتوجهوا لخلطتي هذي والله العظيم انها خلال ثلاث شهور انقلبت شعورهم وتغير ت كثييييير طبعا اللمعه والنعومه بتلاحظينها من اول استخدام لكن الكثافه يبي لها على الاقل شهرين

ابد بالخلطه راح اوضح كل شي قدر المستطاع لاني ما اضمن اني اقدر ارد على كل وحده فيكم
الخلطه تستخدم مره واحده في الاسبوع وتترك على الشعر اقل شي خمس ساعات وتغسلين الشعر بعدها بشامبو عادي واذا حابه تزيتين شعرك بعدها انتي حره
الخلطه..

حنا مطحونه(الكميه تتحدد حسب طول شعرك)
فنجال محلب مطحون(المحلب غير الحلبه وتلقينه عند العطار لونه سكري على بيج)
فنجال حبه سوداء مطحونه(اللي هي حبة البركه)
ملعقه كبيره مسمار مطحون(اللي هو القرنفل)
ملعقه كبيره قرفه مطحونه
نصف علبة زبادي
ملعقه كبيره خل تفاح او خل ابيض
فنجال من اي زيت متوفر عندك ويفضل زيت زيتون او خروع اولوز او جوزهند
فنجال عسل
بيضه واحده

تعجنين الحناء اولا بماء دافي يميل للحراره (تتركين المويه تغلي وبعد ماتدفى شوي تعجنين بها الحنا) وبعدين تضيفين باقي المقادير وتخلطينها زين وتغطينها وتتركينها تخمر على الاقل ساعه كامله ويفضل تعجنيها في الليل وتحطينها في الصبح بس لاتخمرينها اكثر من ثمان ساعات
تقسمين شعرك اقسام صغيره وتحطين الخلطه من الجذور للاطراف وبعد ماتنتهين ارفعي شعرك لفوق ولفيه بسماط او بورق التغليف البلاستك وبعدين لفي عليه شيله وخليه على شعرك زي ماذكرت على الاقل خمس ساعات وبعدين اغسليه ونظفيه بالشامبو اي شامبو تستخدمينه ويفضل تزيتينه بعد يوم او يومين بأي زيت عندك وشوفي النتيجه وادعي لي اماااااانه..

اللي يصبغون شعورهم ممكن يستفيدوا من الخلطه بس بدال الحنا سدر مطحون وبالتوفيق ياحبايب قلبي ..
كلما أحسنت نيتك أحسن الله حالك وكلما تمنيت الخير لغيرك أتاك الخير من حيث لا تحتسب وعندما نعيش لنسعد الاخرين يرزقنا الله بأخرين ليسعدونا
الرجوع الى أعلى الصفحة اذهب الى الأسفل
https://wrdhh.forumarabia.com
اسيرة الشوق

اسيرة الشوق


عدد المساهمات : 42
نقاط : 37
تاريخ التسجيل : 03/03/2014
العمر : 25
الموقع : المملكه العربيه السعوديه

خلطة حناء شعر Empty
مُساهمةموضوع: رد: خلطة حناء شعر   خلطة حناء شعر Emptyالجمعة مارس 07, 2014 9:45 am

حلوووه انشاء الله اجربها مشكوره
الرجوع الى أعلى الصفحة اذهب الى الأسفل
Asoma

Asoma


عدد المساهمات : 76
نقاط : 66
تاريخ التسجيل : 02/03/2014
العمر : 27
الموقع : المملكه العربيه السعوديه

خلطة حناء شعر Empty
مُساهمةموضوع: رد: خلطة حناء شعر   خلطة حناء شعر Emptyالجمعة مارس 07, 2014 10:48 pm

الله يعطيك العافيه Smile 
الرجوع الى أعلى الصفحة اذهب الى الأسفل
 
خلطة حناء شعر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اسيرة الاحلام :: نصـائح للفتيات-
انتقل الى: